لمين القهوة السادة مع وجه! مين رح يوصلني!! ويعصب علي ويحكيلي هو أنا شفيرك!
مين اللي إذا زعلت رح يحكيلي حياااتي خيتي لا تزعلي دمعاتك غالية
مين رح يحكيلي قشييلك خيتي
مين رح يجي يصحيني الصبح يسألني حلوة هاي اللبسة! لابقة مع البوت! حلوة حلقتي!
رغد دبريلي سيجارة، في تَلاكي عشرة شيكل؟ ادعمينا،، بعزمك ع قهوة بس إنتي بتدفعي
أما يا رغد في أغنية عراقية رح تحبيها هس ببعتلك إياها
ارجع خيا عالدار قهواتك هيهم عالنار، ارجع خلي قلبنا يتهنى، ارجع وما رح اطلع من الدار، ارجع وإلك كروز دخان،
ارجع خلينا نحش ونشرب قهوة مع بعض
ولَك ارجع في حكي كتير بدّي احكيلك إياه
خيا ارجع خلي قلبنا يتهنى، يخوي وينك!
ارجع عالدار! الله يحميك من كل ضيق ويشفيك
استودعناك عند الله
#كلنا_عزمي_نفاع
#pray_for_Azmi
الكاتبة: رغد نفاع
المحرر: عبد الرحمن عثمان
